إزاي تكون سعيد في 10 خطوات؟
وصفه تخليك تعيش سعيد
أولا أعلم أن السعادة
مش معناها إن مفيش مشاكل، معناها إنك قررت تستمتع بحياتك رغم وجود المشاكل.
إزاي تكون سعيد في 10 خطوات؟
1- اشتغل جامد وبجد عشان تلهي نفسك من اللي بيحصل حواليك وجايز تعمل فلوس تخليك عايش في الـفقاعة بتاعتك، ، وأول ما تصحى، افتكر 3 حاجات بسيطة موجودة في حياتك ( صحتك، كوباية قهوتك، أو حتى إنك نمت كويس).
2- خليك في مكان يكون حوليك كل حاجه تحتاجها
عشان لا تضيع وقتك وعمرك في الإشارات ودفع كارتات واستهلاك بنزين يعني وفر وقتك
وفلوسك،
3- متتفرجش على التلفزيون
عشان تحافظ على قواك العقلية اقديها على النت يوتيوب والبرامج الهادفه او روح
سينما افضل لك من التلفزيون
4- لا تسمع لأحد يتكلم في أوضاع البلد انها سيئة أو يطبل
للحجات الحلوة قله خير خير إن شاء الله ولا تهتم له وابتسم ولا تدخل في نقاش، من الأخر (اشترى دماغك)
5- اجلس مع أهلك والناس الحلوة وقدر وقتك اقعد مع نفسك في
خلوتك مع فنجان قهوة وكتاب إذا لم تجد حد مريحك.
6- حافظ على اي حاجة عندك عشان غيرك معندوش
وممكن اصلاً متعرفش تجيب زيها تاني ، حوش على أقد ما تقدر وساعد الناس كتير أوي حتى لو معكش حاجه فأنت تملك الكثير.
7- العب رياضة عشان تفرغ طاقتك وعصبيتك
والضغوطات والأهم عشان تاكل براحتك ... الأكل حلو اوي خاصة الشتاء، بس بلاش
منظرة وكل في البيت واليوتيوب مليان وصفات، الاكل بره مش في صالح مرتبك لو بتقبض اصلاً.
8- اعمل دماغ أي حاجة: قراءة، أكل، عبادة،
رياضة، فن ابتكر ولعشاق القهوة أعمل فنجان قهوة على السبرتاية، ولو غني شوية اسبريسو، أمريكن كوفي،
. . . اعمل دماغ ابتكر فكر وتدبر في حاجات مفيدة، بدل ما دماغك تسوحك !!
9 - سافر كتير واعتبر مصاريف السفر مصاريف
علاج ووقاية، ولو مش عارف تسافر في الغالب. فيه وثائقيات عن السفر ممتعة هتعيشك
التجربة أو اركب أي ميكروباص لأقرب مكان رخيص صد رد ميضرش. المهم اتحرك وشوف أماكن جديده، في الحركة بركة.
10 - زور الأماكن السياحية في مصر عشان تعرف
هي حلوة قد إيه، ممعكش فلوس أنا عارف يبقى انزل اتمشى في وسط البلد وارجع ولا روح
قهوة الفيشاوي في الحسين!!
اما احبابنا الي مش من مصر فأنت فاتك كتيييييير بسرعه تعالى شرفنا وزور المتحف المصري الكبير
وعن مكونات المتحف:
يعد المتحف أكبر متحف في العالم مخصص
لحضارة واحدة، ويحتوي على تمثال رمسيس في الدخل الرئيسي ومعه خمس قطع أثرية ضخمة
ثم يأتي الدرج العظيم الذي يحتوي على 87 قطعة أثرية ضخمة وارتفاع الدرج يصل الى 6
أدوار وتجد بعد ذلك قاعة الملك توت عنخ آمون بمساحتها الكبيرة التي تبلغ 7,5 ألف
متر مربع وبها خمسة الاف قطعة نادرة من كنوز الملك لأول مرة، كما يوجد بالمتحف
مناطق تجارية وترفيهية وحدائق مفتوحة
كما أن المتحف يطل على الأهرامات ويبعد عنها
حوالي 2 كيلومتر ومن داخل المتحف تشاهد الاهرامات حيث يوفر إطلالة بانورامية
عليها.
يدعوا المتحف المصري الكبير الزوار لاستكشاف أكبر متحف في العالم
مخصص لحضارة واحدة.
بالمختصر ابدأ يومك وانت شاري دماغك وطاقتك ومجهودك بالشغل والبُعد عن
النقاش وحافظ على فلوسك وارسم ابتسامه ساذجة بلهاء مع قليلاً من التناحة..
ومتسأنيش ليه .. واعمل عبيط تعيش سعيد 😁😁😁😊😂
طبعا الصراحة ايوه اشترى دماغك بالحفاظ على صحتك وفلوسك ووقتك والوقت اهم شيء الوقت الذي يمر ويضيع منك لا يعود ابتسم وتفاءل (تفاءلوا بالخير تجدوه)
تعليقات
إرسال تعليق